Zindagaaniyaaan…….

image

Zindadili se bhari hui
Hain khaamosh ye zindagaaniyaan
Mastaaniyaan
Mehfil hui,
Gustakh ye zindagaaniyaan..

Bekhof is duniya se
Kuch pal churati zindagaaniyaan
Man karta hai chhupa lu inko
Ya samet lu apni baahon mai
Rote rote bhi muskurati
Kitni ajeeb hai ye zindagaaniyaan..

Lamhe mai ithlati
Lamhe mai ghabrati
Kaheen tham na jaayein
Ye bedhadak zindagaaniyaan..

Do pal ki hai ye zindaggi
Hans ke bita lo
Ro ro kar kaheen gum na ho jaaeyein
Ye haseen zindagaaniyaan..

Zindagaaniyo ki bhi hoti hai kahani
Or bante hai unke bhi kisse
Sochti hu
Itni badi duniya mai
Boht aam hain aaj meri badmaashiyaan
Kuch to aisa karu main
Ki khaas ho jaayein ye zindagaaniyaan..

Zindadili se bhari hui
Hain bebaak ye zindagaaniyaan
Khaamosh hain,fir bhi
Kuch kehti hain ye zindagaaniyaan..

Sapne lagte hain adhoore se
Adhoori lagti hain khwahishein bhi
Par un sabki kami mai bhi
Mast rehti hain ye zindagaaniyaan..

Girkar sambhalna sikhati hain
Kori hai ye khud fir bhi
Zindaggi mai rang bharna sikhati hain
Bindaas hain
Ye beparwaah zindagaaniyaan..

Zindadili se bhari hui
Rangeen hain ye zindagaaniyaan
Khaamosh rehte hue bhi
Kuch keh jati hain ye zindagaaniyaan..

Advertisements

9 thoughts on “Zindagaaniyaaan…….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s